Bela cor amarela con reflexos verdosos, bordo acerado, limpo e moi brillante.
Alta intensidade, con aromas de froita doce (mazá, pera Williams) froita de carozo (ameixa branca, melocotón, casca de lichia) flores amarelas sutís que dan paso a elegantes notas de herba recén cortada, musgo, herbas balsámicas, cun fondo mineral de pedra de río acompañado por un delicado fume.
O ataque é con volume, cremosidade, dando paso a notas cítricas (pel de limón, mandarina) e de froitas de carne branca, intúese un sutil aneto, vibrante, con estrutura no paladar, potente e elegante, revela unha intensa mineralidade (granito, pedra de río) que tamén achega salinidade ao seu percorrido. Con carácter e estrutura, de características retronasais duradeiras.
