GOBERNO , VALORES E ÉTICA

En Corporación Hijos de Rivera estamos plenamente comprometidos coa busca constante da excelencia en todos os nosos produtos, servizos e actividades, contribuíndo ao desenvolvemento sostible do contorno e ao coidado do medio natural, priorizando a sostibilidade do proxecto a longo prazo, por encima do afán de enriquecemento inmediato. Con esta política de medio ambiente queremos enmarcar o compromiso da Corporación, e de todo o seu persoal, constituíndo un marco de referencia orientado á mellora continua para protexer o medio ambiente no ámbito das nosas actividades e de acordo coas necesidades e expectativas dos nosos grupos de interese.

Os nosos provedores son un pilar fundamental no desenvolvemento do noso plan empresarial. Son os nosos socios estratéxicos e os nosos mellores compañeiros de viaxe. Xuntos traballamos desde a confianza e a honestidade, tal e como se establece no noso código de valores, resistindo unidos fronte a calquera eventualidade e, sobre todo, compartindo unha perspectiva colaborativa de co-creación na que sumamos forzas. No seguinte enlace, podes descargarte a nosa Política de Provedores.