DESEÑO

Desymo

A nosa experiencia no sector trasládase ao deseño de interiores da man de Desymo, que acompaña aos nosos clientes desde o inicio do seu proxecto.

Desymo xorde pola vontade de Hijos de Rivera de ofrecer un servizo inmobiliario como valor engadido ao produto que achegue maior competitividade á nosa oferta global. Esta decisión estratéxica materializouse na constitución de Desymo no ano 2005.

Desymo representa un proxecto de xestión e deseño de inmobles, de concepción de espazos desde o principio da obra ata a entrega “chave en man” ao propietario do local. O seu ámbito de traballo son locais comerciais propios e asociados, mantemento e evolución de edificios propios, xestión patrimonial de chan e inmobles, feiras e residencial.