En 1906 o noso fundador plantou a semente dun soño. O soño de elaborar unha cervexa única e excepcional, que tivese firmes raíces na nosa terra e que todo o mundo amase. Desde entón, cinco xeracións da familia Rivera coidamos esa semente, o noso legado.
Hoxe, máis dun século despois, Corporación Hijos de Rivera é un grupo cervexeiro familiar, internacionalizado, especializado na produción, comercialización e distribución de bebidas, de capital 100 % nacional e independente, que mantén a súa sede en Galicia. Traballamos para crear o mundo no que cremos e que queremos, para o que aliñamos as nosas operacións cos dez principios do Pacto Mundial das Nacións Unidas, así como cos Obxectivos de Desenvolvemento Sostible (ODS).
