PERSOAS TRANSCENDENTES

En Corporación Hijos de Rivera mantemos as persoas sempre no centro. O noso enfoque cara ás persoas é parte do noso modelo de negocio, está presente en todos os nosos proxectos e axúdanos a lograr o difícil equilibrio entre a satisfacción do persoal e o nivel de esixencia propio dunha empresa líder. Sabemos que, sen elas, nunca sería posible alcanzar os obxectivos que nos marcamos.

CREAMOS EMPREGO

A nosa cadea de valor xerou máis de 32 000 empregos directos e indirectos en España*.

1.448
POSTOS DE TRABALLO DIRECTOS*

93%
DOS NOSOS PROVEDORES ESTÁ DOMICILIADO EN ESPAÑA

32.000
EMPREGOS EN ESPAÑA

7.900
EMPREGOS EN GALICIA

*Fonte: Informe de impacto socioeconómico de Corporación Hijos de Rivera en Galicia e en España. Año 2021, elaborado pola consultora Steward Redqueen.

APOSTAMOS POLO BENESTAR

Coidamos as persoas. Sabemos que elas son o factor clave do éxito do noso negocio: o que nos diferencia.

Anualmente realizamos unha enquisa de clima laboral a todas as empresas do Grupo da man da consultora Great Place to Work®, que elabora o Ranking Best Workplaces, a través dun minucioso proceso de análise, avaliación e certificación. O noso Grupo foi galardoado como un dos mellores lugares para traballar de España 2021, alcanzando a 11.ª posición da clasificación entre as empresas de 501 a 5000 empregados. E fomos incluídos dentro do clasificación Top Employers.

SEGURIDADE E SAÚDE LABORAL

Ademais de buscar a mellora continua nas condicións de traballo e a protección dos nosos profesionais, promovemos a saúde das persoas tanto dentro como fóra do traballo a través do Programa Tu Salud es la Estrella. Contamos con programas de fomento do coidado da saúde ou de apoio psicolóxico ao persoal.

IGUALDADE DE OPORTUNIDADES

O principio reitor do noso plan de seguridade é proporcionar equidade de trato e de oportunidades, comprometéndose a cumprir a Lei orgánica 3/2007, así como a conseguir que a igualdade efectiva de xénero se integre totalmente na cultura do Grupo. Ademais, desde 2008 esa empresa conta cunha Comisión de Igualdade formada por tres membros en representación do Comité de Empresa e outros tres en representación da empresa.

MELLORA CONTINUA

A mellora continua conseguímola traballando na evolución da cultura preventiva das empresas do Grupo, co propósito de que se converta nun valor.

VOLUNTARIADO
CORPORATIVO

O equipo de voluntariado de Corporación Hijos de Rivera nace co propósito de canalizar o espírito solidario dos nosos empregados, os verdadeiros protagonistas do programa.

VER MÁIS

HISTORIAS HR

Historias HR amósanos o día a día de traballadores de diferentes postos e departamentos. Son eles mesmos os que nos contan en primeira persoa en que consiste o seu traballo e que supón formar parte de Hijos de Rivera. Postos e funcións imprescindibles para que todo funcione, pero que poucas veces podemos ver.

José Couceiro

Analista de laboratorio

Dicir que analizamos con lupa as nosas cervexas nunca sería esaxerado. No Departamento de Calidade de Hijos de Rivera realízanse mostraxes exhaustivas ao longo de todo o proceso de produción, para verificar a calidade das materias primas, os envases e o líquido, co obxectivo de que a nosa cervexa chegue ao cliente con todas as súas propiedades intactas.
José Couceiro é un dos membros do equipo de profesionais que se ocupa de desenvolver toda esta parte imprescindible do proceso produtivo.

O control de calidade en Hijos de Rivera é bastante exhaustivo, facemos análises en todos os procesos e é moi complicado que nos escape algún problema.

Brian Mouriz

Operario de envasado paletizador

Cada día miles de botellas percorren un longo camiño desde bares de toda España ata a nosa fábrica, onde se reutilizan para envasar novamente as nosas cervexas. Unha das súas primeiras paradas é o robot despaletizador, onde traballa Brian Mouriz. El é un dos encargados de supervisar e optimizar o funcionamento desta máquina para que o fluxo de produto retornable nunca pare.

Co meu traballo contribúo a que o funcionamento da fábrica sexa óptimo, que o nivel de calidade sexa o mellor.

Jesús Guerra

Oficial de 1.ª en carga de cisternas

Se algo define a Jesús é a profesionalidade e o compromiso, unido ao estreito vínculo que o une á empresa, na que xa traballou o seu pai. Desde a dársena de camións de Cerveza de Bodega, el ocúpase de que a cervexa que viaxa cada día nos camións de adega o faga en perfectas condicións.

A parte humana é moi importante. Porque a familia Rivera lanza esa mensaxe continuamente. Creo que chegaron ata aquí porque é a súa forma de traballar.

José Luis Romero

Responsable da planta Custom Drinks

José Luis Romero é o responsable da planta de Custom Drinks. Ocúpase de coordinar os traballos de envasado, produción e mantemento para que as diferentes referencias que envasa a nosa fábrica de Chantada saian sempre puntualmente ao mercado.

O que máis me gusta do meu traballo é que non me aburro, por esa flexibilidade que é necesaria, polo cambio continuo de produtos que facemos.

Lucas Patiño

Operario de cocemento

Lucas viviu en primeira persoa o espectacular crecemento da nosa compañía nos últimos anos. Primeiro na antiga sala de cocemento, onde empezou a súa carreira na compañía, e hoxe nas novas instalacións.

Desde que entrei en 2006 ata hoxe, a empresa foi medrando todos os anos. Así que me sinto orgulloso porque creo que estou contribuíndo a ese crecemento.

Rebeca Muíña

Operadora do almacén automático

Rebeca encárgase de manter en orde 3,6 millóns de litros de cervexa, ou o que é o mesmo, os 10.000 palés que se moven a diario no almacén automático da fábrica de Estrella Galicia. Cifras que marearían a calquera pero que para ela son pura motivación. O que máis lle gusta? Resolver os problemas canto antes.

Unha das cousas máis importantes é saber priorizar, saber que hai que solucionar primeiro, ter paciencia. Parte do éxito desta empresa débese ao cariño que ten a xente polo seu traballo.

Laura Verdejo

Técnica de Trade Marketing

O departamento de Trade Marketing ten por obxectivo darlle soporte á canle en cada unha das coordinacións, aliñando o posicionamento das nosas marcas. Desde que se incorporou, Laura contribúe a mellorar a xestión e a orientación a obxectivos de todo o equipo, clave para que o traballo flúa coa axilidade que demanda o mercado.

Para min traballar en Hijos de Rivera é traballar para unha marca que representa momentos de ocio, entón, ao final, estamos traballando para facer gozar a xente.

Javier Martínez

Encargado de mantemento en Hijos de Rivera, SAU

Javier deixou o seu currículo en Estrella Galicia con poucas esperanzas de entrar, pero pronto tivo que facer as maletas. Desde entón traballa na nosa fábrica de cervexa, na Coruña, onde se ocupa de coordinar equipos e supervisar constantemente os procesos para coidar as máquinas e manter as avarías a raia.

Creo que é importante todo o que a xente lle achega a esta empresa. Que a empresa vaia ben e que te deas de conta de que ti contribúes co teu graíño de area é algo satisfactorio.