XERAMOS IMPACTO SOCIOECONÓMICO NO NOSO CONTORNO
ACHEGAMOS
€ 1.693 m
a España, o que
SUPÓN O 0,14%
DO PIB ESPAÑOL
ACHEGAMOS
€ 481 m
A GALICIA, O QUE
SUPÓN O 1%
DO PIB GALEGO
MERCADO DA
COLLEITA
O Mercado da Colleita é unha iniciativa de compromiso social de Hijos de Rivera, cuxo propósito é a transformación do rural nun medio máis próspero, sostible e saudable. O proxecto representa o compromiso do Grupo co desenvolvemento socioeconómico do rural, xa que o futuro e a sostibilidade de ambos está intrinsecamente interconectado.
CÁTEDRA DE DESENVOLVEMENTO SOSTIBLE
A Cátedra Hijos de Rivera-UDC de Desenvolvemento Sostible ten como misión explorar modelos innovadores e disruptivos de proveito para a sociedade e que garantan o equilibrio entre a competitividade, o respecto ao medio ambiente e o avance social.
Adscrita á Facultade de Economía e Empresa da UDC e ao Campus Sostibilidade, que impulsa a excelencia no coñecemento para a transición cara a un modelo económico sostible, a cátedra abarca dúas áreas de interese:
O medio rural, debido á forte vinculación da empresa coa agricultura e o contorno natural.
A economía circular, centrándose na xestión sostible dos recursos, o ecodeseño, a valorización dos residuos e a produción e o consumo responsables.
Os eixes de actuación da Cátedra Hijos de Rivera-UDC de Desenvolvemento Sostible son a investigación, a transferencia de coñecementos e a formación e divulgación, que se materializan a través de proxectos de investigación, encontros entre diferentes actores interesados, seminarios sobre experiencias e modelos de transformación socioeconómica, así como propostas de formación e divulgación no ámbito do desenvolvemento sostible.
TERCEIRO SECTOR
Colaboramos con distintas entidades sociais do terceiro sector para apoiar o desenvolvemento de proxectos que lles dan cobertura ás necesidades básicas e melloran o benestar de colectivos desfavorecidos nas comunidades nas que operamos.
