PROXECTOS
O Mercado de la Cosecha é un proxecto de impacto social Corporación Hijos de Rivera, para a divulgación de iniciativas que están a transformar o rural nun medio máis próspero, sostible e saudable que xera benestar. A través destas iniciativas queremos inspirar ou concienciar da necesidade de ocuparnos do medio rural como fornecedor principal de case todo o noso consumo.
EVENTOS
A divulgación e concienciación son aspectos fundamentais na activación do cambio necesario. A través da organización de eventos propios (Parladoiros), a participación en feiras profesionais (Forum Gastronómico, Salón Gourmets, Craft Beer Rising) ou a colaboración con eventos e festivais (Son d’Aldea, Festival SAL ou Festival Noroeste Estrella Galicia) pretendemos difundir as mensaxes do Mercado de la Cosecha e concienciar acerca da sustentabilidade global, destacando sempre o papel do medio rural para avanzar cara a ela.